উদয়াচল দাবী আৰু অসমৰ জনজাতীয় আন্দোলনৰ চমু ৰূপৰেখা

উদয়াচল দাবী আৰু অসমৰ জনজাতীয় আন্দোলনৰ চমু ৰূপৰেখা 

অসমৰ জনজাতি সকলৰ আত্মনিয়ন্ত্ৰৰ সংগ্ৰাম আজিৰ নহয় । ই ভাৰতৰ স্বাধীনতা আন্দোলনৰ সমানেই পুৰণি । কিন্তু আজিৰ জনজাতীয় আত্মনিয়ন্ত্ৰৰ সংগ্ৰামে তীব্ৰ গতি লাভ কৰিছিল ষাঠিৰ দশকৰ আৰম্ভণিৰ পৰাহে ।
স্বাধীনতাৰ পিচতে কংগ্ৰেছ দলটো হৈ পৰিছিল এচাম উচ্চ বৰ্ণৰ হিন্দু নেতাৰ দল, যত মাথোঁ দুজনমান মুছলমান সম্প্ৰদায়ৰ আৰু তাতোকৈ কম সংখ্যক জনজাতীয় নেতা আছিল । জনজাতি সকলৰ আবেগ আৰু আশা আকাংক্ষা গোপীনাথ বৰদলৈৰ পিচৰ চাম কংগ্ৰেছ নেতাই সম্পূৰ্ণভাবে আওকাণ আৰু অৱহেলা কৰি চলিবলৈ ল’লে । তাৰ ফলত ঘাইকৈ বড়োসকলৰ প্ৰেৰণাত ভৈয়ামৰ জনজাতি সকলে নিজৰ অধিকাৰ বিচাৰি আহিল । জনজাতি সকলৰ মাজতো আটাইতকৈ বেছি জোৰদাৰ দাবী উত্থাপন হৈছিল বড়োসকলৰ পৰা । 
বড়ােসকলৰ জাতীয় চেতনাবােধ প্রথম পৰিস্ফূট হৈছিল কালীচৰণ ব্ৰহ্মৰ কর্মৰাজিত । কালীচৰণ ব্ৰহ্মই ধর্মীয় মতবাদৰ পৰা সামাজিক কথাত বড়ো সমাজক এক দিশ দেখুৱাবলৈ সক্ষম হৈছিল ৷ 
বড়ােসকলৰ প্রকৃত পিতৃপুৰুষ আছিল কালীচৰণ ব্রহ্ম ৷ তেওঁ ছাইমন কমিছনৰ আগত বড়ােসকলৰ হৈ এক স্মাৰকপত্র প্রদান কৰিছিল । ১৯২৮ চনৰ ১৪ ছেপ্টেম্বৰত অসম কছাৰী যুৱক সন্মিলনৰ ফালৰ পৰাও কমিছনৰ আগত এখন স্মাৰকপত্র দিয়া হৈছিল আৰু ইয়াত চহী কৰিছিল সন্মিলনীৰ সম্পাদক যাদৱ চন্দ্র খাখলাৰীয়ে ৷ 
তেওঁলােকে বিচাৰিছিল অসম বিধান সভা বা তেতিয়াৰ ব্যৱস্থা পৰিষদত বড়ােসকলৰ সুকীয়া স্থান, সৈন্যবাহিনীত বড়ো ৰেজিমেন্ট আৰু কােকৰাঝাৰ বা হল্টুগাঁৱৰ নামত এটা মহকুমা । সেয়া আছিল বড়ােসকলৰ প্রথম আশা-আকাংক্ষাৰ এক দলিল ৷ 
গোৱালপাৰাৰ বড়ো, ৰাভা আৰু গাৰোসকলৰ হৈ ছাইমন কমিছনৰ আগত হৰিশ চন্দ্র দাসেও ১৯২৮ চনৰ ৮ আগষ্টত আন এখন স্মাৰকপত্র প্রদান কৰিছিল ।
জনজাতীয়সকলৰ নেতৃত্বত প্ৰথমটো ৰাজনৈতিক অনুষ্ঠান বা দল ‘সদৌ অসম ট্ৰাইবেল লীগ’ৰ জন্ম হয় নগাঁও জিলাৰ ৰহাত ১৯৩৩ চনৰ ১৭ এপ্রিলত । ১৯৩৭ চনৰ সাধাৰণ নির্বাচনত চাৰিওটা জনজাতীয় লোকেৰে পুষ্ট সমষ্টিত লীগে প্রার্থিত্ব দিয়ে আৰু চাৰিওটাতে জয়লাভ কৰে । জয়লাভ কৰা প্রার্থীসকল আছিল-ৰূপনাথ ব্রহ্ম (গোৱালপাৰা জিলা ), ৰবিচন্দ্র কছাৰী (কামৰূপ আৰু দৰং জিলা), ধীৰ সিং দেউৰী (নগাঁও জিলা) আৰু কার্ক চন্দ্র দলে (শিৱসাগৰ জিলা) । ইয়াৰ বাহিৰেও লীগৰ সাধাৰণ সম্পাদক ভীমবৰ দেউৰীও ব্যৱস্থা পৰিষদলৈ নির্বাচিত হয় ।
ছাদুল্লা চৰকাৰৰ পতন ঘটুৱাই ট্ৰাইবেল লীগে কংগ্রেছৰ লগত চৰকাৰ কৰে । চৰকাৰ গঠন কৰাৰ আগতে কংগ্রেছ আৰু ট্ৰাইবেল লীগৰ জনগোষ্ঠীৰ আশা-আকাংক্ষাবােৰ সমাধানৰ কাৰণে পূর্ণ চহী কৰা হয় । ১৯৪০ চনৰ পৰা ১৯৪৬ চনৰ সময়ছোৱাত ট্ৰাইবেল লীগক লৈ মুছলিম লীগ আৰু কংগ্রেছৰ মাজত টনাটনি লাগি থকাৰ পিচত ঠিক স্বাধীনতৰে আগে আগে ট্ৰাইবেল লীগ কংগ্রেছৰ কাষ চাপে আৰু বৰদলৈ মন্ত্ৰীসভাত ভীমবৰ দেউৰীক অন্তর্ভুক্ত কৰা হয় ৷ 
অৱশ্যে ব্রিটিছ কেবিনেট মিছনৰ আগত ১৯৪৬ চনৰ ২৬ এপ্রিলত ট্রাইবেল লীগে ভৈয়ামৰ জনজাতি সকলৰ কাৰণে অসম ব্যৱস্থা পৰিষদত চাৰিখন আসনৰ ঠাইত ১৬খন আসনৰ প্রস্তাৱ দিয়ে । এই স্মাৰকপত্রত চহী কৰিছিল মদাৰাম ব্রহ্ম, ৰূপনাথ ব্রহ্ম আৰু সীতানাথ ব্রহ্ম চৌধুৰীয়ে ।
ট্ৰাইবেল সকলক কংগ্ৰেছে প্রথমটো বিশ্বাসঘাতকতা কৰিছিল সংবিধান সভাত (Constituent Assembly) অংশগ্রহণৰ সময়ত । অসম ব্যৱস্থা পৰিষদৰ পৰা সংবিধান সভালৈ ১০জন সদস্যক বিচৰা হৈছিল । ট্রাইবেল লীগৰ মনোনীত সদস্য ভীমবৰ দেউৰীক উপেক্ষা কৰি কংগ্রেছে নিজ দলৰ নেতা ধৰণীধৰ বসুমতাৰীক মনোনীত কৰে । সেয়া আছিল ১৯৪৬ চনৰ ১৬ জুলাই ।
সেই বিশ্বাসঘাতকতাক কান্ধত লৈ ১৯৪৭ চনৰ ২০ মার্চত ট্রাইবেল লীগে ভৈয়ামৰ জনজাতীয়  গোষ্ঠীসমূহৰ কাৰণে সংবিধানৰ পঞ্চম দফাৰ অধীনত এক অনুসূচিত এলেকা বিচাৰে । কিন্তু কংগ্রেছে ধৰণীধৰ বসুমতাৰীৰ সহযোগত সেই দাবীক আওকাণ কৰিবলৈ সক্ষম হয় ।
স্বাধীনতা প্ৰাপ্তিৰ প্ৰথমছোৱাত গোপীনাথ বৰদলৈৰ নেতৃত্বত ভৈয়ামৰ জনগোষ্ঠীৰ আবেগক কিছু সন্মান  দিয়া হৈছিল যদিও স্বাধীন ভাৰতৰ জাতীয় চেতনাৰ ঢৌৱে ট্রাইবেল লীগৰ প্রয়োজনীয়তাকে অপ্রাসংগিক কৰি তুলিছিল । সেই কাৰণে ট্রাইবেল লীগ ভংগ কৰি দিয়া হয় আৰু তাৰ সদস্যসকল বেলেগ বেলেগ দললৈ গুচি যায় । ৰূপনাথ ব্ৰহ্মই কংগ্রেছত যােগদান কৰে আৰু পৰৱর্তী ৩০ বছৰ ধৰি ভৈয়াম জনজাতিৰ অবিসম্বাদী নেতা হিচাপে কংগ্রেছ চৰকাৰৰ মন্ত্ৰী  হিচাপে কার্যনিৰ্বাহ কৰে ।
ট্ৰাইবেল লীগ ভংগ কৰি দিয়াৰ সিদ্ধান্ত ভৈয়ামৰ জনজাতিসকলৰ এক মাৰাত্মক ভুল সিদ্ধান্ত আছিল আৰু স্বাধীনতাৰ প্ৰথমটো দশক পাৰ হৈ যােৱাৰ লগে লগে লগেই ইয়াৰ প্রয়োজনীয়তা বড়ো যুৱ সমাজৰ মাজত বাৰুকৈয়ে প্রতিফলিত হৈছিল ।
জনগোষ্ঠীয় লোকসকলৰ কোনো উমৈহতীয়া মঞ্চ নথকাৰ সুযোগ আন আন ৰাজনৈতিক দলবােৰে গ্রহণ কৰি জনগােষ্ঠীয়সকলক বঞ্চনা কৰি গৈ থাকিল । পুঞ্জীভূত ক্ষোভ লৈ আগবাঢিছিল বড়ো যুৱ সমাজ ।
বড়ােসকলৰ পুনৰ অভ্যুত্থান হ’ল বড়ো সাহিত্য সভাৰ যােগেৰে । ১৯৫২ চনৰ ১৬ নবেম্বৰত বাসুগাঁৱত বড়ো সাহিত্য সভাৰ জন্ম হ’ল আৰু কিছুদিনৰ পিচতেই বড়ো বসতিপ্রধান অঞ্চলৰ স্কুলত বড়ো মাধ্যমত পঢ়োৱাৰ দাবী বড়ো সাহিত্য সভাই উত্থাপন কৰিলে । 
তদনীন্তন মুখ্যমন্ত্ৰী বিষ্ণুৰাম মেধিয়ে কিন্তু এই দাবীক বৰ গুৰুত্ব নিদিলে আৰু পাঠ্যপুখিত মাথো দুখনমান বড়ো পুথি সন্নিরিষ্ট কৰিব বিচাৰিলে ৷ সেই প্রস্তাৱ বড়ো সাহিত্য সভাই অগ্রাহ্য কৰিলে ।
বিমলা প্রসাদ চলিহা বড়ো আৰু ভৈয়াম জনজাতি বিষয়ত বিষ্ণুৰাম মেধিতকৈ উদাৰ আছিল । তেওঁৰ উদ্যোগতে তৃতীয় শ্ৰেণীলৈকে শিক্ষাৰ মাধ্যম হিচাপে বড়ো অঞ্চলত বড়ো ভাষা প্রৱর্তন কৰা হল । 
বড়ো সাহিত্য সভাই প্রথমে সন্মত হৈছিল যদিও প্রায়ােগিক অসুবিধাৰ সন্মুখীন হোৱা কাৰণে বড়ো মাধ্যম ষষ্ঠ শ্রেণীলৈ বিচাৰিলে । স্কুলত শিক্ষাৰ মাধ্যম বিচৰা দাবী আপত্তি লাহে লাহে এক আন্দোলনলৈ পৰিৱর্তিত হ’ল ৷ চৰকাৰে প্রথমতে এই দাবী মানি ল’বলৈ টান পালে ৷ 
কংগ্রেছৰ ভিতৰত থকা বড়ো নেতৃবৃন্দই লাহে লাহে বুজিবলৈ আৰম্ভ কৰিছিল যে বড়ােসকলে কংগ্রেছৰ পৰা কোনোদিনেই প্রকৃত ন্যায় নাপাব ।
সেই কাৰণেই ১৯৬৭ চনৰ অসম বিধানসভাৰ নির্বাচনত কংগ্রেছৰ ভিতৰৰ পৰাই এচামে কংগ্ৰেছৰ বিৰৌধিতা কৰি নির্বাচনত নামি পৰিল । চৰণ নার্জাৰীয়ে প্রথমবাৰৰ বাবে নির্দলীয় প্রার্থী হিচাপে থিয় দিলে । তেওঁ নার্জাৰী কংগ্রেছৰ ৰণেন্দ্র নাৰায়ণ বসুমতাৰীৰ হাতত পৰাস্ত হয় যদিও বড়ো ৰাজনৈতিক শক্তিৰ পুনৰ উথানৰ বাট মুকলি কৰি দিয়ে । ঠিক তাৰ কিছু দিনৰ পিচতেই ইন্দিৰা গান্ধীয়ে ফেডাৰেল গাঁথনিৰে অসমৰ পুনৰ গঠনৰ কথা ঘোষণা কৰে । সেয়া আছিল ১৯৬৭ চনৰ ১৬ জানুৱাৰী । লগে লগেই বড়ােসকলৰ মাজতো ইয়াৰ প্রভাৱ পৰিল ।বড়োসকলে ইয়াৰ সুবিধা লৈ নিজৰ আশা-আকাংক্ষা প্রতিফলিত হ’ব পৰাকৈ এক শাসন ব্যৱস্থা বিচাৰিলে ৷ সমৰ ব্রহ্ম চৌধুৰী, প্ৰসেনজিৎ ব্রহ্ম আৰু চৰণ নার্জাৰীৰ নেতৃত্বত ১৯৬৭ চনৰ ২৭ ফেব্ৰুৱাৰীত এক বড়ো জাতীয় অভিৱর্তন অনুষ্ঠিত হল ।
মদাৰাম ব্রহ্মৰ সভাপতিত্বত বহা এই জাতীয় অভিৱৰ্তনে মিজাে আৰু খাছীসকলৰ নিচিনাকৈ বড়ােসকলৰো স্বকীয় মর্যাদা ৰক্ষা কৰি স্বায়ত্ত শাসন বিচাৰিছিল ।
সেই অভিৱৰ্তনতে বড়ােসকলৰ দাবীক সাকাৰ ৰূপ দিবলৈ অসম ভৈয়াম জনজাতি পৰিষদ বা Plains Tribal Council of Assam (PTCA) নামৰ এটা ৰাজনৈতিক সংগঠনৰ জন্ম হয় ৷ ১৯৬৭ চনৰ ৮ এপ্রিলত দৰঙৰ এডেনবাৰীত বহা দ্বিভীয়খন সভাত ভৈয়াম জনজাতি উন্নয়ন পৰিষদৰ সংবিধান গ্রহণ কৰা হয় । সেই সভাতেই ভৈয়ামৰ জনজাতিসকলৰ কাৰণে সম্পূর্ণ স্বায়ত্ত শাসন দাবী কৰা হয় ।
স্বায়ত্ত শাসনৰ দাবী জোৰদাৰ কৰিবলৈ পৰিষদৰ এটা সঁজাতী দলে সমৰ ব্রহ্ম চৌধুৰী আৰু চৰণ নার্জাৰীৰ নেতৃত্বত দিল্লী যাত্রা কৰি ৰাষ্ট্ৰপতি ড° জাকিৰ হুছেইনক ১৯৬৭ চনৰ ৯ জুনত প্রথমখন স্মাৰকপত্র প্রদান কৰে । পিছদিনাখন গৃহমন্ত্ৰী ওৱাই বি চৱন আৰু উদ্যোগ মন্ত্ৰী ফখৰুদ্দিন আলী আহমেদকাে লগ ধৰে ৷ 
ইয়াৰ পিচত আহে তেওঁলােকৰ প্রথমটো নির্বাচনকেন্দ্ৰিক পদক্ষেপ যিয়ে বড়ো সমাজক প্রথমবাৰৰ বাবে একগোট কৰাই নহয় বৰঞ্চ আবেগিক কৰি তুলিছিল । এই সুবিধা আহিছিল অপ্রত্যাশিতভাবে । 
ৰূপনাথ ব্রহ্মই কোকৰাঝাৰ লোকসভাৰ পৰা বিনা প্ৰতিদ্বন্দিতাৰে নির্বাচিত হৈছিল যদিও ১৫ দিনৰ ভিতৰতে বিধানসভাৰ সদস্য পদৰ পৰা পদত্যাগ কৰিবলৈ সক্ষম নােহােৱাত লোকসভাৰ উপ-নির্বাচনৰ দৰকাৰ চর্তাৱলীৰ চুক্তিত হৈছিল । এই সুযােগৰ পূর্ণ সুবিধা সৈছিল বড়ো নেত্ববৃন্দই ।
ভৈয়াম জনজাতি পৰিষদে ১৯৬৭ চনৰ ৩০ জুন আৰু ১ জুনৰ এটা মিদ্ধান্ত মতে এই নির্বাচন বর্জন কৰি এক বৃহৎ আন্দোলন গঢ়ি তোলে ৷ নির্বাচনৰ পৰিৱর্তে বিচাৰে ভৈয়াম জনজাতিৰ কাৰণে স্বায়ত্ত শাসন ৷ 
লগে লগে ই সমগ্র অবিভক্ত গোৱালপাৰা জিলাতে বিয়পি গ’ল । কংগ্রেছ দল আৰু ভাৰত চৰকাৰকাে এই বর্জনৰ বিষয়ে জনােৱা হ’ল ৷ নির্বাচন অৱশ্যে বন্ধ কৰিব বা পিচুৱাব পৰা নগ’ল । ১৯৬৮ চনৰ ১৯ মে’ত নির্বাচন অনুষ্ঠিত হৈ গ’ল ৷ চৰকাৰে নির্বাচনত বাধা দিব পাৰে বুলি PTCAৰ কেইবা হাজাৰো সমৰ্থকক গ্রেপ্তাৰ কৰিছিল ৷  
নির্বাচন অনুষ্ঠিত হৈ গ’ল ৷ কিন্তু ১৯৬৮ চনৰ ২২ মে’ৰ দিনা পি টি চি এৰ হাজাৰ হাজাৰ সমর্থক নির্বাচনৰ দিনা প্রেপ্তাৰ হোৱা সতীর্থসকলৰ মুক্তিৰ দাবী কৰি কোকৰাঝাৰৰ মহকুমাধিপতিৰ কার্যালয়লৈ শান্তিপূৰ্ণভাৱে  প্ৰতিবাদী সমদল কৰি আগুৱাই গৈছিল । সেই বিশাল সংখ্যক প্রতিবাদীয়ে হিংসাত্মক ৰূপ লোৱা দেখি পুলিচে তেওঁলােকৰ ওপৰত গুলীবর্ষণ কৰে আৰু তাৰ ফলত প্রায় ১২জন প্রতিবাদকাৰী আহত হয় । 
এই ঘটনাই ভৈয়াম জনজাতিসকলৰ স্বায়ত্ত শাসনৰ আন্দোলনক আৰু বেছি তীব্ৰতৰ কৰি তোলে । উল্লেখযোগ্য যে প্রতিবাদৰ কাৰণে ২৮৪টা ভোট কেন্দ্রৰ ভিতৰত ১৭৭টা ভোট গ্ৰহণ কেন্দ্রতহে ভোট গ্রহণ সম্ভব হয় ৷ ১০৭টা ভোট কেন্দ্রত পুনৰবাৰ ভোট গ্রহণ কৰিবলগীয়া হয় ।
১৯৬৮ চনৰ জুলাই মাহত পি টি চি এৰ প্রায়বােৰ নেতাকে কাৰাগাৰৰ পৰা মুক্তি দিয়া হয় । কিন্তু তেতিয়ালৈকে ভৈয়াম জনজাতিসকলৰ মাজত স্বায়ত্ত শাসনৰ দাবীটোৱে অন্তৰ চুই গৈছিল । সকলোৱে বুজিছিল যে স্বায়ত্ব শাসনৰ প্রয়োজনীয়তা কিমান । ভৈয়ামৰ সকলো ভৈয়াম জনজাতিয়ে বুজিছিল যে আন ৰাজনৈতিক দলবােৰে বিভিন্ন উপায়েৰে তেওঁলোকক বঞ্চনা কৰি থাকিব ৷ সকলােৱে বুজিছিল যে স্বায়ত্ত শাসনহে একমাত্র বিকল্প ৷ 
এক কথাত ক’বলৈ গ’লে ষাঠিৰ দশকৰ মাজভাগৰ পৰা ভৈয়ামৰ জনজাতিসকলৰ গৰিষ্ঠসংখ্যকে উচ্চ বর্ণৰ অসমীয়াৰ পৰা ক্রমান্বয়ে আঁতৰি আহিছিল আৰু তাৰ কাৰণে উচ্চ বৰ্ণৰ অসমীয়াৰ গোড়ামিয়েই আছিল বেছিকৈ দায়ী । ভৈয়ামৰ জনজাতি সকলৰ এই স্বায়ত্ত শাসনৰ দাবীটোৱে সত্তৰৰ দশকত উদয়াচল দাবীৰ নাম লৈছিল ।

via Blogger https://ift.tt/2B958KH

Advertisements

বৃহৎ পৰিৱর্তনৰ ঢৌত বিধ্বস্ত গেৰুৱা বাহিনী

বৃহৎ পৰিৱর্তনৰ ঢৌত বিধ্বস্ত গেৰুৱা বাহিনী 

শেহতীয়া নিৰ্বাচনত মুখ থেকেচা বিজেপিৰ 
২০১৪ চনৰ লোক সভা নিৰ্বাচনৰ ফলাফল ঘোষণা হোৱাৰ পাছত ভাৰতীয় ৰাজনীতিৰ যিখন ছবি সন্মূখলৈ আহিছিল সেই ছবিখন মাত্র চাৰিটা বছৰৰ ভিতৰতে ইমান বিধ্বস্ত হৈ পৰিব বুলি হয়তো কােনেও ভবা নাছিল । ২০১৪ চনৰ লোক সভা নির্বাচনৰ পাচতে হয়তো ভাৰতীয় ৰাজনীতিৰ আটাইতকৈ ডাঙৰ ঘটনা তিনিখন ৰাজ্যৰ নিৰ্বাচনৰ ফলাফলে সংঘটিত কৰিলে । নিজৰ দখলত থকা তিনিখনকৈ ৰাজ্য হেৰুৱাবলৈ বাধ্য হল মহাশক্তিধৰ বিজেপিয়ে ৷ কিছুদিন পূর্বে যিটো দলৰ ৰাষ্ট্ৰীয় সভাপতিয়ে বিজেপিয়ে ভাৰতত ৫০ বছৰ শাসন কৰিব বুলি ফেচীবাদী ঘোষণা কৰিছিল, যিটো দলে কংগ্রেছমুক্ত ভাৰতৰ শ্ন’গান দিছিল সেই দলটোৱে আজি কংগ্ৰেছৰ হাতত তিনিখনকৈ অতি গুৰুত্বপূৰ্ণ ৰাজ্যৰ নিৰ্বাচনত পৰাজয় বৰণ কৰিব লগা হ’ল । তাকাে ২০১৯ চনৰ লোক সভা নির্বাচনলৈ কেইটামান মাহহে বাকী থকা অৱস্থাত । লোক সভা নির্বাচনৰ পূর্বে হোৱা এই পাঁচখন ৰাজ্যৰ বিধানসভা নির্বাচনক আখ্যা দিয়া হৈছিল লোক সভা নির্বাচনৰ ছেমি ফাইনেল হিচাপে ৷ আৰু এই ছেমি ফাইনেলত নিজৰ বিজয় সাব্যস্ত কৰিবলৈ কােনেও চেষ্টাৰ ত্রুটীও কৰা নাছিল, কিন্তু এই ছেমি ফাইনেলৰ ফলাফল বিজেপিয়ে নিজৰ সপক্ষে ৰাখিব নােৱাৰিলে । এই নির্বাচনৰ ফলাফলে বিজেপিক সুখী হ’ব পৰা একো অৱকাশেই নিদিলে । মধ্য প্রদেশ, ছট্টিশগড়, ৰাজস্থানত নিজৰ গাদী হেৰুওৱা বিজেপিৰ বাবে তেলেংগনা বা মিজােৰামতাে আশাপ্রদ একাে নাই । মিজোৰাম আৰু তেলেংগনাত মাত্র এখনকৈ আসনহে বিজেপিয়ে লাভ কৰিবলৈ সক্ষম হৈছে । লোক সভা নিৰ্বাচনৰ প্রাকক্ষণত দলটোৰ এই ফলাফলক কোনো কাৰণতে বিপর্যয় আখ্যা নিদি নােৱাৰি ৷ আনহাতে, কংগ্রেছৰ বাবে এই নির্বাচনী ফলাফলে ভালেমান সম্ভাৱনাৰ সৃষ্টি কৰিছে । তাৰ ভিতৰ প্রথম হৈছে জো৷তিৰাদিত্য সিন্ধিয়া, শচীন পাইলটৰ দৰে যুৱ নেতাৰ উত্থান আৰু কংগ্রেছৰ বাবে এসময়ত যাক বোজা বুলি অভিহিত কৰা হৈছিল যুৱৰাজ ৰাহুল গান্ধীৰ পৰিপক্কতা আৰু সফলতাৰ নতুন যাত্রাৰ সূচনা । মন কৰিবলগীয়া কথাটো হ’ল এবছৰৰ আগতে ১১ ডিচেম্বৰৰ দিনটোতেই কংগ্রেছৰ সভাপতিৰ দায়িত্ব লৈছিল ৰাহুল গান্ধীয়ে ৷ এই ফলাফলে ৰাহুল গান্ধী সস্পর্কে বহু নতুন চিন্তা আৰু সম্ভাৱনাৰ উদ্রেগ যে ঘটাব সেয়া নিশ্চিত ৷ নেতৃত্ব লােৱাৰ এটা বছৰৰ পাছত একেটা দিনতে ৰাহুল গান্ধীয়ে কংগ্ৰেছৰ বা কংগ্ৰেছে ৰাহুল গান্ধীক দিয়া এই উপহাৰ নিঃসন্দেহে চমকপ্রদ বুলিয়েই ক’ব লাগিব । আনহাতে এই নিৰ্বাচনত মােদী ঢৌৰ চমক যে এতিয়া লাহে লাহে নিম্প্রভ হৈ পৰিবলৈ আৰম্ভ কৰিছে সেই কথা প্রমাণ হৈছে ৷ মধ্য প্রদেশ, ৰাজস্থান বচাবলৈ মোদী, অমিত শ্বাহে কম যত্ন কৰা নাছিল । কিন্তু জনতাৰ ৰায় লাভ কৰাৰ জোখাৰে তেওঁলোকক আস্বস্ত কৰিবলৈ এই বহু চর্চিত যুটি সক্ষম নহ’ল ।
এই ফলাফলৰ পাছত স্বাভাৱিকতে ভাৰতীয় ৰাজনীতিৰ ভৱিষ্যতৰ দিনবােৰৰ হিচাপ নিকাচ আৰম্ভ হৈ যাব । জনতাৰ মহাশক্তিমান ৰূপটোৰ কথা পুনৰবাৰ স্মৰণ কৰিবলৈ বাধ্য হ’ব বিজেপিৰ দৰে চমকপ্রদ উত্থানৰ জৰিয়তে সমগ্র ভাৰতকে গেৰুৱা কৰি তােলাৰ সপোন দেখা দলেও । বিগত সময় ছোৱাত মোদী চৰকাৰে তেওঁলােকৰ সহজাত ভংগিমাৰে যি বিকাশৰ কথা কৈ আহিছিল সেই বিকাশে যে সাধাৰণ জনতাক সন্তুষ্ট কৰিব পৰা নাই সেই কথা বুজি পোৱাত বিজেপিয়ে পলম কৰা বাবেই হয়তো এই ফলাফল দলটোড়ৱে দেখিবলগীয়া হ’ল । অৱশ্যে এই কথাও বাৰে বাৰে চর্চা হৈছে যে তিনিওখন ৰাজ্যতে ৰাজ্য চৰকাৰৰ বিৰুদ্ধে প্রতিষ্ঠান বিৰোধী ঢৌৰ সৃষ্টি হৈছিল ৷ কিন্তু একে সময়তে কেন্দ্রত মোদী চৰকাৰৰ বহু নীতিয়ে সাধাৰণ মানুহক ক্ষতিগ্রস্ত কৰাটোও এই ফলাফলৰ অন্যতম কাৰক হিচাপে বিবেচিত হোৱা বুলি আজি চর্চিত হৈছে ৷ বিমুদ্রাকৰণ, জি এছ টি আৰু মূল্যবৃদ্ধিৰ দৰে বিষয়বােৰে অতি নীৰৱে চৰকাৰৰ বিৰুদ্ধে এক শক্তিশালী অস্ত্রৰ ৰূপ লৈছিল ৷ নির্বাচনী বিশ্লেষক সকলে এই কথাও স্পষ্টকৈ আলোচনা কৰিছে যে বিজেপি শাসিত তিনিওখন ৰাজ্যতে গ্রাম্য ভোটাৰৰ এক বুজন অংশ বিজেপিলৈ আহিছিল আৰু গ্রাম্য ভোটাৰৰ আশা আকাংক্ষা পূৰণ কৰিব নােৱাৰাটো বিজেপিৰ বাবে বৃহৎ দুর্বলতা হৈ পৰিছিল ৷ এইখিনিতে উল্লেখ কৰিব পাৰি কৃষকৰ সমস্যা আৰু অসন্তুস্তিৰ কথা । এইক্ষেত্রত ৰাজস্থানত কৃষকৰ ঋণ মাফৰ দৰে প্রতিশ্রুতিৰে কংগ্রেছে নিজৰ কৌশল ঠিকেই প্রয়োগ কৰিছিল আৰু তাৰ সফলতাও এতিয়া দেখিবলৈ পোৱা গ’ল । পৰিৱর্তনকামিতা সকলাে মানুহৰে এক সহজাত মনােবৃত্তি আৰু এই পৰিৱর্তনৰ আশাতে ৰাইজেই নিজৰ শাসক সালসলনি কৰি আহিছে । কিন্তু সৰহসংখ্যক ক্ষেত্রতে সাধাৰণ জনতা প্রভাৱিত হোৱাৰ নজিৰেই বেছি ৷ সেইবাবে ভঙা পতাও চলি আহিছে নিৰন্তৰভাবে ৷ আশা কৰিম যে এই পৰিৱৰ্তন  ৰাইজৰ পক্ষত হোৱা পৰিৱৰ্তন হওক, অন্যথা আকৌ পাঁচ বছৰৰ পাছত অন্য এক ফলাফল স্বীকাৰ কৰিবলৈ শাসকসকল সাজু থাকিব লাগিব ৷ আনহাতে, এই ফলাফলৰ প্রতিধ্বনি ২০১৯তাে শুনিবলৈ পােৱা যাব নে নাই সেই কথাও সোনকালেই হয়তো স্পষ্ট হ’ব ৷ 

via Blogger https://ift.tt/2LdPbra

বড়োলেণ্ড দাবী সন্দৰ্ভত বড়ো নেতা প্ৰমোদ বড়োৰ চমু মন্তব্য

via IFTTT

via Blogger https://ift.tt/2La9x4M

কাৰ্বি জনগোষ্ঠীয় উগ্ৰপন্থী সংগঠন কে পি এলটিৰ শীৰ্ষ নেতাৰ ঘৰত তেওঁক বিচাৰি

via IFTTT

via Blogger https://ift.tt/2L9lK9K

উগ্ৰপন্থী বিৰোধী অভিযান- বৰ পথাৰ, কাৰ্বি আংলং, অসম

via IFTTT

via Blogger https://ift.tt/2C4Fzfw

প্লাষ্টিক বুটলি পেটৰ ভাত মুঠি উলিয়াই কিন্তু কম বয়সতে কেইবাটাও সন্তানৰ বোজা

via IFTTT

via Blogger https://ift.tt/2C4FuIK

বিজেপিৰ অশ্বমেধৰ ঘোঁৰা থমকিল

বিজেপিৰ অশ্বমেধৰ ঘোঁৰা থমকিল 

ৰাজস্থান, মধ্য প্ৰদেশ আৰু ছট্টিশগড় পুনৰ উদ্ধাৰ কৰিলে কংগ্ৰেছে।
ছেমি ফাইনেলত খাৰুৱা দল বিধ্বস্ত ।
তেলেংগনাত টি আৰ এবছৰ পুনৰ ক্ষমতা দখল ।
মিজোৰাম দহ বছৰৰ পিচত এম এন এফৰ প্ৰত্যাৱৰ্তন ।
কোনে কিমান আসন দখল কৰিলে তলৰ ছবিত চাওঁক ।

via Blogger https://ift.tt/2QLrGLz

কাৰ্বি জনগোষ্ঠীয় উগ্ৰপন্থী সংগঠন কে পি এলটিৰ শীৰ্ষ নেতাৰ ঘৰত তেওঁক বিচাৰি

via IFTTT

প্লাষ্টিক বুটলি পেটৰ ভাত মুঠি উলিয়াই কিন্তু কম বয়সতে কেইবাটাও সন্তানৰ বোজা

via IFTTT

বড়োলেণ্ড দাবী সন্দৰ্ভত বড়ো নেতা প্ৰমোদ বড়োৰ চমু মন্তব্য

via IFTTT

via Blogger https://ift.tt/2SKo6Pb

কাৰ্বি জনগোষ্ঠীয় উগ্ৰপন্থী সংগঠন কে পি এলটিৰ শীৰ্ষ নেতাৰ ঘৰত তেওঁক বিচাৰি

via IFTTT

via Blogger https://ift.tt/2LeZqMc

কাৰ্বি জনগোষ্ঠীয় উগ্ৰপন্থী সংগঠন কে পি এলটিৰ শীৰ্ষ নেতাৰ ঘৰত তেওঁক বিচাৰি

via IFTTT

প্লাষ্টিক বুটলি পেটৰ ভাত মুঠি উলিয়াই কিন্তু কম বয়সতে কেইবাটাও সন্তানৰ বোজা

via IFTTT

via Blogger https://ift.tt/2SH1JtF

প্লাষ্টিক বুটলি পেটৰ ভাত মুঠি উলিয়াই কিন্তু কম বয়সতে কেইবাটাও সন্তানৰ বোজা

via IFTTT

জধামূৰ্খৰ জাতীয়তাবাদ আৰু জাতীয়তাবাদৰ জতুগৃহ

জধামূৰ্খৰ জাতীয়তাবাদ আৰু জাতীয়তাবাদৰ জতুগৃহ

বুলন কুমাৰ শইকীয়া, নাহৰকটীয়া

কেতিয়াবা মই নিজকে জধামূৰ্খ হিচাপেই আৱিষ্কাৰ কৰোঁ ৷ কাৰণ যেনে ধৰক – কেইঘন্টামানৰ পাচত ভোটগ্ৰহণ হ’বলগীয়া পঞ্চায়ত নিৰ্বাচনটোত মই ভোটাধিকাৰ সাব্যস্ত কৰিবলৈ নাযাওঁ ৷ নাযাওঁ বুলিছোঁ নাযাওঁ ৷ যিবিলাক জ্ঞানী জাতীয়তাবাদী , তেওঁলোকে দেখিছোঁ আমাৰ আঞ্চলিক ৰাজনীতিৰ প্ৰতিভূ- বিজেপিৰ লগত অতি সুস্পষ্ট দূৰত্ব ৰক্ষা কৰি চলা অগপক জিকাবলৈ হলেও ভোট দিবলৈ যাব ৷ যাওক ৷ মই জধামূৰ্খ সেয়ে নাযাওঁ ৷ অগপ চৰকাৰৰ দিনত দেউতাৰ চাকৰিৰ দৰমহাকেইটা পাবলৈ কি গতি হৈছিল দেখিছোঁ নহয় ৷ ৰাতি জিপচি গাড়ীৰ টহলত আতংকিত মানুহে সৰুপানী চুবলৈও বাহিৰলৈ নোলোৱা সময়বোৰ পাৰ কৰি আহিছোঁ নহয় ৷ নিজৰ মূৰ্খামিৰ বাবেই সেই দিনকাল এতিয়াও পাহৰি যোৱা নাই ৷
জাতীয়তাবাদৰ কথা কৈ আহিলেও মোৰ জাতীয়তাবাদ জধামূৰ্খৰ জাতীয়তাবাদ ৷ আলফালৈ ল’ৰা গলে মই ফেচবুকত হাত চাপৰি বজাই জাতীয়তাবাদৰ জয়গান গাব নোৱাৰোঁ ৷ সিমানখিনি অকৰামি-গোঁৱাৰামি এৰিব পৰা নাই ৷ নাই বাবেই মই নিজৰ মূৰ্খামিতে সীমাৱদ্ধ ৷ জ্ঞানীসকলৰ দৰে ফেচবুকত ৰঙা সূৰ্যৰ কথাকৈ টিপতে ভোটৰ ৰাজনীতিত কোন ভাল কোন বেয়া সেই কথা উলিয়াব নোৱাৰিম ৷ ক’লে এটা কথা ক’ম ৷ ব্যৱস্থাটো বেয়া ৷ সলনিৰ প্ৰয়োজনীয়তা আছে ৷ নহ’লে ক’ম – ব্যৱস্থাটো ভাল ৷ ইয়াত সমাধান সূত্ৰ আছে …৷ মই জ্ঞানীসকলৰ দৰে দুটা কথা একেলগ কৰি অদ্ভূত কিবা কৈ থাকিব নোৱাৰোঁ । সেয়ে মই জধামূৰ্খ ৷
এইটো ঠিক যে ভোটাৰে জানে কেৱল ভোট দিবলৈ ৷ নাগৰিকত্ব সংশোধনী বিধেয়ক- অগপ বিজেপিৰ মিত্ৰতা থাকক নাথাকক, হেলিকপ্টাৰ উৰক বা নুৰক, মুন্না বৰুৱা ক’লৈ গৈছে -কিয় গৈছে এইবোৰ ভোটাৰৰ বাবে মূল্যহীন বিষয় ৷ মূল্যহীন বিষয়বাবেই বাৰে বাৰে প্ৰৱঞ্চনা-মিথ্যাচাৰ কৰিও ৰাজনৈতিক দলবিলাকে নিৰ্বাচন নামৰ নাটকখনৰ মঞ্চায়ন কৰি থাকিব পৰাকৈ সক্ষম ৷ নাটকখন কিয় কৰে সেয়া মই নাজানোঁ আৰু জানিবৰো চেষ্টা নকৰোঁ ৷ সেয়ে মইতো এক নম্বৰ জধামূৰ্খই হয় ৷ হয় ! নিশ্চিতভাৱে মই পিচৰবাৰ নিৰ্বাচনত ভোট নিদিওঁ ৷ 

জতুগৃহ কি জানে নহয় ? অসমত জাতীয়তাবাদ এতিয়া জতুগৃহত ৷ পৰেশ বৰুৱা বিদূৰ নহয় যে জাতিটোক এই জতুগৃহৰ পৰা সুকলমে উলিয়াই নিব ৷ ৰাষ্ট্ৰৰ পুৰোচনবোৰ এতিয়া টেঙৰ ৷ কোনটো ৰাজনৈতিক দলত নাই পুৰোচনহঁত ? 
জধামূৰ্খ হৈয়ো কেতিয়াবা ভাল লাগে ৷ অতি হিন্দু বা অতি অসমীয়া হোৱাতকৈ মূৰ্খতা এতিয়া মোৰ বাবে বেছি দৰকাৰ ৷

via Blogger https://ift.tt/2PtXwHT

बाल फिर से होंगे काले, चहरे पर चमक आयेगी, शरीर बनेगा फौलाद,कभी नहीं आयेगा बुढ़ापा सदाबहार के फूल से।

via Blogger https://ift.tt/2SDrHi0

%d bloggers like this: