Agom Longésok Lupénam Agom


Agom Longésok Lupénam Agom
——————————————————————

Leke ru:né píné se:di Mé:loké tani ommang ru:do pído longélok do:yíngé. Ru:né Se:di Mé:lobí Taniyém ru:dak lédulo Tani: ommangé kinnam kinmang agomém Abígpé jíggabla médopé Tani: Agomlok abígém jíklen bitagai. Abígém ru:nébí jíklen bidak lé:dudo Tani: Ommangé Ru:némé luto-” Ru:né, Nok aya:la jíklen binam sé abíg kídí:sém yampo: ro:pé ngolu kapé ménggapla méyén?” Odo Ru:nébí luto-” nolu abíg jíggapnané atí attarko la:bimílo noluk a:péné ayirkídídok léga:pé ngo noluk agom abígém jíggapla mébipé. Odo Tani: ommangé abíg bíggapnam léga:pé Sisuk asíkko Ru:némé la:biga:lok Tani: agomé abígém bí Sisuk asíklo jíggapbila méto. Tani: Ommangé Ru:néké édé Abígdokki kinnam kinmang agomém jíggabla gasum dítakkopé sé Mo:píso ai kampopé turla du:nato.

Émpige:la ayiré adíé dungkamo:pé du:mang ga:lok Tani: ommangésin aíké oko dungko among mo:diyém mépagge:la angu mo:di:lo:pé gípakpé ikang. Aík among édémpé mépagge:la turko dungko among mago:la Tani: Ommangé kíla kíngapla:ma:nam dítakkpé dungko Among Mago:la gíddom abarungko ngasodém pa:to. Lékom dola, lékoném doma:pé édémpé gígo:la gíddom longé koném kénong gíbadla Tani: Ommangé édé Abíg kídí:dém Ru:nébí atgapbinan Sisuk asíkdém dopakto. Édémpin Do:yíng kokki ngoluk Tani: omma:lok abígé Su:lo:pé yokkang émna do:yíngé dungkang.

Tokí Ta:to Ya:yok ayirlokkébo kíyar tínam édé do:yídé ngolum lubidak ngoluk Mishing ommangé lekkem Agom Abíglok airu:pé mirémné Taniyai émna. Émpige:la ngoluk réngamlo bojérung dítakko:pé ngaodé a:la ngolu agom abígém mitpan-géto. Silo ngolukké agom long-ngé. Mishing agom turnam léga:pé silo ngoluk takam réngamé rélékpé gíkumsuka. Kajé réngama ngolu ru:néké binam ngoluk a:ng ara:bok mé:bomsunam Mishing Agomsém turyarmolai.

                                                                                Sa édébong Réngama

                                                                               Migang Mishing Tultul Kutum
Dibrugarh Mo:di
30 October Agom Longé

 

Advertisements

Author: Tultul Kutum

I am a policeman, article writer & YouTuber

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s