“বহু লুভীয়া পুৰুষে মোক কুৰুকি শেষ কৰিব বিচাৰিছিল” ক’লে পুনমে


বহু লুভীয়া পুৰুষে মোক কুৰুকি শেষ কৰিব বিচাৰিছিল” ক’লে পুনমে

News Next One 3 Oct. 2017 13:10

ডিজিটেল ডেস্কঃ ৰাজহুৱা স্থানত সুৰক্ষিত নহয় নাৰী৷ চিটি বাছতে হওঁক বা ৰেল যাত্ৰাতে হওঁক, নাৰী সদায় অসুৰক্ষিত৷ পুৰুষৰ লোভৰ দৃষ্টিয়ে সদায় নাৰীৰ দেহৰ মঙহ চেলেকি খাব বিচাৰে৷ শেহতীয়াকৈ এই কথা প্ৰকাশ কৰিছে এগৰাকী মহিলা বিজেপি সাংসদে৷

সোমবাৰে আহমেদাবাদৰ আই আই এমৰ এখন সভাত অংশ লৈ মহাৰাষ্ট্ৰ বিজেপি সাংসদ তথা বিজেপি নেতা প্ৰমোদ মহাজনৰ কন্যা পুনম মহাজনে নাৰী নিৰ্যাতনৰ কথা উল্লেখ কৰি নিজেও কেইবাবাৰো পুৰুষৰ কু-দৃষ্টিৰ চিকাৰ হোৱাৰ কথা স্বীকাৰ কৰে৷

সাংসদ গৰাকীয়ে কয়, ‘‘সেই সময়ত যেতিয়া যাতায়তৰ বাবে পৰ্যাপ্ত গাড়ী নাছিল, মই লোকেল ট্ৰেইনতে অহা-যোৱা কৰিছিলো৷ আৰু তেতিয়া ট্ৰেইনৰ ভিতৰত বহু লুভীয়া পুৰুষৰ চাৱনীয়ে মোক বাহিৰৰ পৰা কুৰুকি শেষ কৰিব বিচাৰিছিল৷’’

লগতে সাংসদ গৰাকীয়ে নাৰী নিৰ্যাতন ৰোধ কৰাৰ বিষয়ে কৈ নাৰী সকলক সাহসী হ’বলৈ আহ্বান জনায়৷ তেওঁ কয়, ‘‘আমি দুৰ্বল হ’ব নালাগিব৷ আমাক নিৰ্যাতন কৰা সকলক উচিত প্ৰত্যুত্তৰ দিব পৰা ক্ষমতা আমাৰো আছে৷ আমি কেৱল সাহসী হোৱা প্ৰয়োজন৷ তেনে ব্যভিচাৰী মনৰ লোক সকলক ভয় নকৰি যদি প্ৰত্যেক নাৰীয়ে সিহঁতক যোগ্য প্ৰত্যুত্তৰ দিবলৈ সাজু হৈ থাকে, তেন্তে কোনো পুৰুষেই নাৰীৰ ওপৰত কু দৃষ্টি পেলাবলৈ সাহস নকৰিব৷’’

আনহাতে নাৰী অধিকাৰৰ ক্ষেত্ৰতো অফচোচ প্ৰকাশ কৰে বিজেপি সাংসদগৰাকীয়ে৷ নাৰী অধিকাৰৰ ক্ষেত্ৰত তেওঁ কয়, ‘‘দেশৰ সকলো দিশতে নাৰীক সম অধিকাৰ প্ৰদান কৰা হোৱা নাই৷ বিশেষকৈ ৰাজনীতিৰ ক্ষেত্ৰত নাৰীতকৈ পুৰুষৰ অধিকাৰ বেছি৷ ৰাজনীতিত পুৰুষৰ বাবে যিমান খিনি আসন সংৰক্ষণ কৰা আছে, তাৰ তুলনাত নাৰীৰ বাবে সংৰক্ষিত আসন নিচেই সীমিত৷’’

উল্লেখ্য যে, সাংসদ পুনম মহাজনৰ মন্তব্যই সংবাদ মাধ্যমত বিশেষ চৰ্চা লাভ কৰাৰ লগতে নাৰী সৱলীকৰণৰ ক্ষেত্ৰতো সকলো নাৰীক উৎসাহিত কৰি তোলা পৰিলক্ষিত হৈছে৷

এইখন দেশত নাৰী কিমান নিৰাপদ, সেইয়া আপুনি ভালকৈয়ে জানে। কথাটো চিন্তনীয় নহয় নে?

Advertisements

Author: Tultul Kutum

I am a policeman, article writer & YouTuber

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s